Стрессийн үед биеэ хоолоор дэмжих 7 арга

Стрессийн үед хоолны дуршил өөрчлөгдөх, хэт их идэх эсвэл хоолны дуршил буурах, нойр болон хоол боловсруулах үйл ажиллагаанд өөрчлөлт гарах нь бий.

Энэ үед зөв хооллолт нь стрессийг шууд эмчлэхгүй ч бие махбодын хэвийн үйл ажиллагаа, эрч хүч, нойрыг дэмжинэ.

ХООЛОО АЛГАСАХГҮЙ, ТОГТМОЛ ХООЛЛООРОЙ

Үндсэн хоолоо тогтмол цагт идэж, хэт өлсөхөөс сэргийлээрэй. Хэт өлсөх нь дараагийн хоолны үеэр хэтрүүлэн идэхэд хүргэж болзошгүй.

ТАВАГТАА ОЛОН ТӨРЛИЙН ХҮНС БАЙРЛУУЛААРАЙ

Хүнсний ногоо, жимс, бүхэл үр, буурцагт ургамал, өндөг, загас, мах зэрэг хүнсийг өдөр тутамдаа зохистой хослуулаарай.

ОМЕГА-3 АГУУЛСАН ХҮНС СОНГООРОЙ

Тослог загас, самар, үр зэрэг омега-3 тосны хүчил агуулсан хүнсийг тэнцвэртэй хооллолтын нэг хэсэг болгон хэрэглээрэй.

МАГНИ, В БҮЛГИЙН АМИН ДЭМТЭЙ ХҮНС ХЭРЭГЛЭЭРЭЙ

Самар, үр, бүхэл үр, буурцагт ургамал, ногоон навчит хүнсний ногоо зэрэг шим тэжээлтэй хүнсийг сонгоорой.

КОФЕИНЫ ХЭРЭГЛЭЭГ ХЯНАГААРАЙ

Кофе, эрч хүчний ундаа зэрэг кофеин агуулсан бүтээгдэхүүнийг хэтрүүлэн хэрэглэхээс зайлсхий. Ялангуяа оройн цагаар кофеин хэрэглэх нь нойронд сөргөөр нөлөөлж болзошгүй.

УСАА ХАНГАЛТТАЙ УУГААРАЙ

Өдрийн турш тогтмол ус ууж, чихэрлэг ундааны хэрэглээг багасгаарай.

СТРЕССИЙН ҮЕД ХЭТ ИХ ИДЭХЭЭС СЭРГИЙЛЭЭРЭЙ

Чихэрлэг болон хэт боловсруулсан хүнсийг стресс тайлах арга болгон их хэмжээгээр хэрэглэхээс зайлсхий. Оронд нь жимс, тараг, самар зэрэг шим тэжээлтэй хөнгөн зууш сонгоорой.
Нэг хүнс стрессийг арилгахгүй. Харин тэнцвэртэй хооллолт, хангалттай нойр, тогтмол хөдөлгөөн, амралт нь стрессийг зохицуулахад бие махбодыг дэмжинэ.

Хэрэв стресс удаан хугацаанд үргэлжилж, нойр, хоолны дуршил болон өдөр тутмын амьдралд мэдэгдэхүйц нөлөөлж байвал мэргэжлийн эмч, сэтгэл зүйчээс зөвлөгөө аваарай.