Монголын үндэсний спортыг сурталчлах парад Пусан хотод боллоо

Монголын Үндэсний Спортын Хороо санаачлан Соёл, спорт, аялал жуулчлал, залуучуудын яамтай хамтран “Монголын үндэсний спортыг сурталчлах парад”-ыг БНСУ-ын Пусан хотын иргэдийн цэцэрлэгт хүрээлэн болон Хэүндэ далайн эрэгт амжилттай зохион байгууллаа.

Энэхүү төсөл нь Монгол Улсын үндэсний спорт, түүхэн уламжлал, нүүдэлчин соёл, өв уламжлалыг БНСУ-ын иргэд болон гадаадын жуулчдад сурталчлан таниулах зорилготой аж.

Парадад 300 гаруй тамирчин, уран бүтээлч, төлөөлөгч, оролцогчид нэгдэн оролцож, Монголын үндэсний спорт, соёл, өв уламжлалын онцлогийг Пусан хотын иргэд болон гадаадын жуулчдад өргөн хүрээнд танилцууллаа.