ЦАГ АГААР: Улаанбаатарт шөнөдөө 7 хэм хүйтэн

Малчид, иргэд, тээвэрчдийн анхааралд:31-нд Алтай, Хангай, Хөвсгөл, Хэнтийн уулархаг нутгаар цас орж, цасан шуурга шуурч, Алтайн уулархаг нутаг, говь, тал, хээрийн нутгаар салхи шуургатай байхыг анхааруулж байна.

10-р сарын 30-ны 20 цагаас 10-р сарын 31-ний 20 цаг хүртэлх

цаг агаарын урьдчилсан мэдээ

Хур тунадас:Ихэнх нутгаар солигдмол үүлтэй. 30-31-нд шилжих шөнө Завханы ихэнх, Баян-Өлгий, Увс, Ховдын зарим, Хөвсгөл, Архангайн баруун, Говь-Алтай, Булган, Сэлэнгийн хойд сумдын нутгаар, 31-ний өдөр Завхан, Хөвсгөл, Архангай, Булган, Төв, Хэнтий, Дорнодын зарим, Сэлэнгийн ихэнх, Говь-Алтай, Өвөрхангай, Дундговийн хойд сумдын нутгаар 0.0-5.0 мм цас орж, цасан шуурга шуурна.

Салхи:Нутгийн зүүн өмнөд хэсгээр баруун өмнөөс, бусад нутгаар баруун өмнөөс хойш эргэж секундэд 5-10 метр, Алтайн уулархаг нутаг, говь, тал, хээрийн нутгаар түр зуур секундэд 18-20 метр хүрч ширүүсэж, шороон шуурга шуурна.

Агаарын температур: Шөнөдөө Монгол-Алтай, Хэнтийн уулархаг нутаг, Заг-Байдраг голын эх, Онон, Улз, Халх голын хөндийгөөр 14 хэм хүйтнээс 19 хэм, Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж, Хэрлэн голын хөндийгөөр 9 хэм хүйтнээс 14 хэм, говийн бүс нутгийн баруун өмнөд хэсгээр 3 хэмээс 2 хэмийн хүйтэн, бусад нутгаар 3 хэм хүйтнээс 8 хэм хүйтэн, өдөртөө Алтай, Хангай, Хөвсгөлийн уулархаг нутаг, Завхан, Заг-Байдраг голын эх, Хүрэнбэлчир орчим, Идэр, Тэс, Онон, Улз голын хөндийгөөр 3 хэм хүйтнээс 8 хэм хүйтэн, говийн бүс нутгийн зүүн өмнөд хэсгээр 10-15 хэм, Их нууруудын хотгор, говийн бүс нутгийн баруун болон хойд хэсгээр 4-9 хэм, бусад нутгаар 2 хэм хүйтнээс 3 хэм дулаан байна.

УЛААНБААТАР ХОТ ОРЧМООР:Үүлшинэ. Шөнөдөө цас орохгүй, өдөртөө цас орно. Салхи баруун өмнөөс хойш эргэж секундэд 6-11 метр. Шөнөдөө Яармаг-Сонгины орчмоор 9 хэм хүйтнээс 11 хэм, бусад хэсгээр 5 хэм хүйтнээс 7 хэм хүйтэн, өдөртөө 0-2 хэм дулаан байна.

БАГАНУУР ОРЧМООР:Үүлшинэ. Шөнөдөө цас орохгүй, өдөртөө ялимгүй цас орно. Салхи баруун өмнөөс хойш эргэж секундэд 6-11 метр. Шөнөдөө 9 хэм хүйтнээс 11 хэм хүйтэн, өдөртөө 1-3 хэм дулаан байна.

ТЭРЭЛЖ ОРЧМООР: Үүлшинэ. Шөнөдөө цас орохгүй, өдөртөө цас орно. Салхи баруун өмнөөс хойш эргэж секундэд 5-10 метр. Шөнөдөө 11 хэм хүйтнээс -13 хэм, өдөртөө 0 хэмээс 2 хэм хүйтэн байна.

2026 оны 11-р сарын 01-нээс 2026 оны 11-р сарын 05-ныг хүртэлх

цаг агаарын урьдчилсан төлөв

11-р сарын 01-нд Завхан, Хөвсгөлийн хойд, Сэлэнгэ, Дорнод, Сүхбаатарын зарим сумдаар, 02-нд Төв аймгийн зүүн хойд, Завхан, Хөвсгөл, Сэлэнгэ, Хэнтий, Дорнодын хойд сумдаар, 03-нд Баян-Өлгий, Увс, Завхан, Ховд, Хөвсгөл, Архангайн зарим, Говь-Алтайн хойд сумдаар, 04-нд Увс, Завхан, Хөвсгөл, Булган, Төв, Хэнтийн хойд, Сэлэнгэ, Дорнодын зарим сумдаар 0.0-5.0 мм цас орж, цасан шуурга шуурна. Салхи 01, 02-нд нутгийн зарим газраар, 03, 04-нд Алтайн уулархаг нутаг, говь, тал, хээрийн секундэд 15-17 метр хүрч ширүүснэ. Дархадын хотгор, Завхан, Заг, Байдраг голын эхээр шөнөдөө-19-24хэм, өдөртөө 5 хэм хүйтнээс 10 хэм, Алтай, Хангай, Хөвсгөл, Хэнтийн уулархаг нутаг, Идэр, Тэс, Туул, Тэрэлж, Улз, Халх голын хөндийгөөр шөнөдөө 13 хэм хүйтнээс 18 хэм, өдөртөө 1 хэм хүйтнээс 6 хэм, говийн бүс нутгийн өмнөд хэсгээр шөнөдөө 0-5 хэм хүйтэн, өдөртөө 8-13 хэм дулаан, Их нууруудын хотгор, говийн бүс нутгийн хойд хэсгээр шөнөдөө 4 хэм хүйтнээс 9хэм хүйтэн, өдөртөө 3-8 хэм дулаан, бусад нутгаар шөнөдөө 8 хэм хүйтнээс 13 хэм хүйтэн, өдөртөө 2 хэм хүйтнээс 3 хэм дулаан байна.