“Бид хүүхэлдэйчид” урлагийн их наадам болно

Хүүхэлдэйн урлагаар дамжуулан хүүхэд багачуудыг үндэсний болон дэлхийн үлгэр, зохиолтой танилцуулах, бүтээлч сэтгэлгээ, гоо зүйн боловсролыг хөгжүүлэх, ардын өв уламжлал, ёс заншлыг түгээн дэлгэрүүлэх зорилготой “Бид хүүхэлдэйчид” урлагийн их наадам тун удахгүй болох гэж байна.

Энэ наадмын хүрээнд хүүхэлдэйн жүжгийн талаар танилцуулах сургалт үйл ажиллагаанд нийслэлийн сургуулийн өмнөх боловсролын 85 хөгжмийн багш хамрагдаж, мэргэжлийн жүжигчдээс зөвлөгөө авч суралцсан онцлогтой боллоо.

Үлгэрээр дамжуулан хүмүүжил, ухаарал баяр баяслыг бэлэглэх энэхүү их наадамд “Чоно ба долоон ишиг”, “Манжин”, “Могжоохон даагатай Жогжоохон хүү”, “Долоон өндөгтэй доголон шаазгай”, “Тэнэг бяцхан хулгана” таван үлгэрээс сонгож оролцох юм.