Архивчдын гудамжны 2км авто замын барилгын ажил үргэлжилж байна

Архивчдын гудамж (Нисэхийн авто зам)-аас эхлэн шинэ суурьшлын бүс болох Нео Сити хотхоныг дайран Нүхтийн авто замтай холбогдох 2 км авто замын барилгын ажил үргэлжилж байна.

Өнөөдрийн байдлаар авто замын хашлага байрлуулах, хөлдөлтөөс хамгаалах үеийн тэгшилгээ хийх ажлуудыг гүйцэтгэж байна. Мөн авто замын суурийн бүтээцийн тогтвортой байдлыг хангах, замын хучилтын дараагийн үе шатны ажлыг эхлүүлэх бэлтгэл ажлын хүрээнд хийгдэж буй ажлуудыг үе шаттайгаар зохион байгуулан ажиллаж байна.

Авто замын хашлага байрлуулах ажил нь зорчих хэсгийн заагийг тодорхойлж, замын бүтээцийн хэлбэрийг хадгалах ач холбогдолтой бол хөлдөлтөөс хамгаалах үеийн тэгшилгээ нь замын суурийн жигд байдал, тогтвортой байдлыг хангах чухал үе шат юм.