Шууд Chart

Хатаасан гелийн ач тус

2015-03-03 13:17:23

Силикагель гэдэг нь цахиурын хүчлийн ханасан уусмалаас гаргаж авсан хатаасан гель юм. Чийг хадгалах зорилгоор шинэ гутлын хайрцганд ууттай силикагель хийдэг. Харин хүмүүс энэ бяцхан ууттай зүйлийг хог новш хэмээн үздэг тул голдуу хаяж орхидог байна. Гэтэл энэ “хог” нь ихээхэн хэрэгтэй эд ажээ. Тиймээс силикагелийг яаж ашиглаж болох вэ гэдгийг эндээс мэдэж аваарай. 

1.Хөлстэй хувцас болон бэлтгэл хийсэн гутлын үнэр цүнхэнд заавал шингэдэг. Силикагель энэ үнэрийг бүрэн дарахгүй ч ихээхэн сулруулдаг.

2.Силикагельтэй уутыг машины салхины шилний дор тавибал шил хөлрөх нь хамаагүй багасна.

3.Халуун газраас хүйтэнд гарахад фотоаппаратын линз бас цантаж хөлөрдөг. Аппаратныхаа гэрэнд хэдэн ширхэг силикагельтэй уут хийчихээрэй.

4.Сахлын хутганыхаа хайрцаганд силикагельтэй уут байлгавал зэврэхгүй, ирээ удаан хугацаанд барина.

5.Мөнгөөр хийсэн гоёл чимэглэлийн зүйл болон хоолны хэрэгслэлийг силикагельтэй хамт хадгалбал харлаж өнгө алдахгүй.

6.Ийш тийшээ яваад ирэх үед хиртэй, хиргүй хувцаснууд холилдож тааламжгүй үнэр ордог шүү дээ. Энэ үед силикагельтэй уут тусална. Аялалаар явахдаа чемодандаа үргэлж силикагель байлгаарай.

7.Икебана сонирхогчдод ч гэсэн силикагель тус болно. Цэцгээ ороох цаасандаа бас силикагель хийчихвэл цэцэг удаан хадгалагдана.

8.Хайрцагтай хуучны зураг, бичиг цаас шарлах шинжтэй болж байна уу. Тэгвэл хайрцаг дотроо силикагельтэй уут хэдийг хийчихээрэй. Энэ нь гэрэл зураг болон бусад нандин дурсгалыг тань хадгалах болно.

9. Утсаа усанд унагаж орхив уу. Нэг арга бий. Хурдхан салгаад сим-карт болон зайг нь авч силикагельтэй уутанд хийгээрэй. Ингээд 12 цаг орчим байлга. Дараа нь утас чинь хуурай, хэвийн ажиллагаатай байх болно. Энэ гайхамшигт бодисын ид шидийг найз нөхөд, ойр дотныхондоо дуулгаарай.

Эх сурвалж: Viva.mn


Хатаасан гелийн ач тус  
Үзсэн: 1269 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй