Үндэсний телевиз
Цагийн хүрд
Найм арваннэг
Олимп, дэлхийн аваргын мөнгөн медальт МУГТ Н.Төгсцогт мэргэжлийн боксын рингэнд эхний тулаанаа энэ сарын 24-нд хийх гэж байна. Харин түүний өрсөлдөгч одоогоор хэн гэдэг нь тодорхойгүй байгаа юм.
Инчёний Азийн наадмаар Өмнөд Солонгосын тамирчинд илт луйвардуулж ялагдсаны дараагаар Монгол Улсын гавьяат тамирчин Н.Төгсцогт мэргэжлийн бокст хүчээ сорихоор Америкийг зорьж, нэрт дасгалжуулагч Жо Гуссений удирдлага дор хөдөлмөрлөж амжилтад хүрэхийг зорьсноор таван жилийн гэрээ үзэглэсэн.
Н.Төгсцогтын дасгалжуулагчаар ажиллаж буй Жо Гуссен бол мэргэжлийн бокст өндөр нэр хүндтэй ах, дүүсийн нэг юм. Хэдийгээр Жо Гуссен өөрөө мэргэжлийн боксчин байгаагүй ч тамирчдын бэлтгэл хангах тал дээр мэргэшсэн нэгэн.
Жо Гуссен манай Н.Төгсцогтын бэлтгэлийг хараад Флойд Мэйвезертэй тулалдахаар болоод буй филиппин боксчин Мэнни Пакьяотой зүйрлэж, төдий хэмжээний алдартай тамирчин болох магадлалтай гэж үзэж буйгаа илэрхийлсэн юм.
Ийнхүү гавьяат тамирчин, 22 настай Н.Төгсцогт сонирхогчдын боксоо орхиж, мэргэжлийн боксын рингнээ гарах өдөр улам ойртсоор байна.
| Н.Төгсцогт энэ сарын 24-нд мэргэжлийн рингнээ гарна | ||
| Үзсэн: 2049 | Mongolian National Broadcaster |
Р.Слава
Шог зураач Л.Мөнхбат
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.