Монголын Үндэсний Олон Нийтийн цахим хуудас

УЛААНБААТАР

6°C  / -8°C
Шуурхай мэдээ

Сэрэмжлүүлэг

Нийслэлийн онцгой комисоос мал, амьтны гоц халдварт  шүлхий өвчин үүссэнтэй холбогдуулан дараах сэрэмжлүүлгийг хүргэж байна.

Сүхбаатар аймгийн Онгон, Наран сумдын нутагт мал, амьтны гоц халдварт  шүлхий өвчний сэжиг илэрч 2014 оны нэгдүгээр сарын 31-ны өдөр уг өвчний онош мөн болох нь Улсын мал эмнэлгийн ариун цэврийн төв лабраторийн шинжилгээгээр батлагдсан. 2014 оны хоёрдугаар сарын 5-ны өдрийн байдлаар нийтдээ 127 үхэр өвчилснөөс 104 үхрийг устгаад байна.
Шүлхийгээс урьдчилан сэргийлэх арга хэмжээг хэрэгжүүлэх, мал, тэдгээрийн гаралтай түүхий эдийн шилжилт хөдөлгөөнд тавих хяналтыг чангатгаж, Нийслэлийн онцгой комиссын даргын  “Мал, амьтны гоц халдварт шүлхий өвчнөөс урьдчилан сэргийлэх ажлыг эрчимжүүлэх тухай” 2014 оны хоёрдугаар сарын 5-ны өдрийн 01 дүгээр тушаалыг холбогдох мэргэжлийн байгууллагууд хэрэгжүүлэн ажиллаж  байна.

Шүлхий нь салаа туурайтай мал, амьтдыг өвчлүүлэн богино хугацаанд маш хурдан тархаж үлэмж хэмжээний газар нутаг, улс орныг хамран гардаг онц аюултай гоц халдварт өвчин юм. Шүлхий нь шууд хавьтлын замаар малаас малд халддагаас гадна салхи, ус бэлчээр, хүн мал ялангуяа адуу зээр гөрөөс, бусад зэрлэг амьтад, шувуу зэргээр дамжин алс хол зайд үсэрхийлэн дэгддэг онц халдвартай өвчин юм.
Шүлхийн үүсгэгч нь  А, О, С, Ази-1, САТ-1, САТ-2, САТ-3 гэсэн долоон ийлдсийн хэвшилтэй,  вирус юм.

Бүх төрлийн гэрийн тэжээвэр болон зэрлэг салаа туурайтан тухайлбал, үхэр, хонь, ямаа, тэмээ , усны үхэр, цагаан зээр, хар сүүлт, цаа буга,  зэрэг амьтад мэдрэмтгий. Газар зүй цаг уур, мал аж ахуйг хөтлөх арга ажиллагаа, хүн амын сэтгэл зүйн онцлог зэрэг олон хүчин зүйлийг харгалзан дэлхийн улс орнуудад шүлхийтэй тэмцэхэд зургаан төрлийн арга  хэрэглэдэг. Харин манай орны хувьд өвчтэй, өвчилсөн, өвчилж болох бүх малыг толгой дараалан устгахын тулд нядалгаа хийх, эргэн тойрны нь малыг хамран вакцинжуулах арга хэмжээ авдаг байна.

Иймд онцын шаардлаггүй бол дээрх аймгийн нутаг дэвсгэрт зорчихгүй, мал, амьтны шилжилт хөдөлгөөн хийхгүй байхыг  нийслэлийн иргэдэд сэрэмжлүүлж  байна. 

Мөн мал, амьтны ам, хамар, буйл, тагнай, завьж, хэл, дэлэн хөх, турууны салааны арьсанд үлхий, яршил үүсэх, доголох, ус, тэжээлдээ дургүй болох, халуурах шинж тэмдэг илэрвэл харьяа дүүргийн мал эмнэлэг болон Нийслэлийн мал эмнэлгийн газарт /70144007,70144003, 96650638/ яаралтай мэдэгдэхийг Нийслэлийн Онцгой комиссоос анхааруулж байна.



Үзсэн: 432
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.

Сэтгэгдэл бичих

Та сэтгэгдэл бичихийн тулд нэвтэрсэн байх шаардлагатай.

Манай хөтөлбөр

  • Өмнөх
    12:10
    Сурагчдын амралтанд:”Тайгаагийн адал явдал” Японы олон ангит кино 8,9-р анги
    13:00
    Мэдээ
    13:10
    Соно студи: “Маамуу нааш ир“
    13:25
    “Далай” танин мэдэхүйн баримтат кино
    15:00
    Мэдээ
    15:10
    “Хайр шиг хайр” уран сайхны кино 49,50-р анги
    17:00
    Шинэчлэлийн засгийн газар 2 жилд
    17:20
    Дараагийн хуудас
    18:00
    Мэдээ
    18:20
    Олон нийтийн цаг: Зээлийн шимтгэл ба хүү /шууд/
    19:00
    “MM Today” english news
    19:10
    Соно студи: “Маамуу нааш ир”
    19:25
    МҮОНТ энэ долоо хоногт
    19:35
    Монголчууд бүтээж байна: “Найман хувийн зээл ”
    20:00
    “Цагийн хүрд” мэдээллийн хөтөлбөр
    20:45
    Спортын мэдээ
    21:05
    “Зам заяа хоёр мину” хөрөг нэвтрүүлэг Монгол Улсын авто замын зөвлөх инженер Д.Баасанхүүгийн тухай
    21:45
    “Мөнгө тээвэрлэгчид” уран сайхны кино 5,6,7-р анги
    Дараах